Белорусская литература

Інструкцыі да ўрока "ЭДЗІ АГНЯЦВЕТ "БУДУ НАСТАЎНІКАМ"

1. Прачытай з бацькамі (па магчымасці) поўны тэкст верша: 

Буду настаўнікам

Эдзі Агняцвет

Санька любіць дом і дворык —

Свой былы дзіцячы сад.

Тут прыручваў дзвюх вавёрак,

Маляваў і дождж, і град.

I кармушку для сініцы

Майстраваў ён пад вярбой.

Слухаў казкі чараўніцы,

Выхавацелькі сваёй.

А цяпер сюды прыводзіць

Санька меншую сястру.

А яна тут карагодзіць,

Ляльцы пацеркі знаходзіць,

Боты шые камару.

...Раз сабраўся тутгурточак,

Дзеці ўселіся радком,

Расказаць ім Санька хоча —

Палюбіў ён школьны дом.

I свая тут чараўніца

Ёсць у першым класе «Б».

— Я магу тут навучыцца

Бачыць свет вакол сябе.

Перад намі — кветкі, травы —

Верас, мята, васілёк!

Вольга Паўлаўна ласкава

Пачынае свой урок:

— Гляньце, родныя, на верас,

Трэба кветку змаляваць.

Тутпобач, на паперы,

Слова будзеце пісаць.

Атрымаецца, што кожны

I мастак, і грамацей! —

Размаўляць, пісаць прыгожа

Навучае ўсіх дзяцей.

3 беларускай шчырай мовай

Ладзяць нашы галасы.

Эх, пяюцца самі словы:

— Бусел,

верасень,

лясы!

3 Вольгай Паўлаўнай цікава.

Не злуецца, не крычыць.

Мы, як быццам для забавы,

Разам вучымся лічыць.

А бяжым на перапынак,

Чуюць хлопчыкі наказ:

— Паважайце вы дзяўчынак —

Будуць паважаць і вас!

Падрасту і ўсё згадаю,

Вашых слоў мне не забыць:

— Дзеці,

кожнаму жадаю

Чалавекам добрым быць!

У няшчасці друг далёкі,

Трапіў у бяду сусед,—

Не глядзі спакойна збоку,

Памажы яму як след!

Адкрывае школа цуды

Мне і ўсім маім сябрам.

Калі-небудзь, можа, буду

Я настаўнікам і сам.

2. Адкажы на пытанне:

—Якія словы настаўніцы запоўніў аўтар на ўсё сваё жыццё?

3. Вывучы ўрывак на памяць ( с. 54 — 55)

4. Чакаю відэа!

5. Для самастойнага чытання: Ш. Муравейка "Паўлік — будаўнік" (с. 56 — 58), чытай уважліва.

Урок па тэме Міхась Даніленка “Маленькі фермер”, Змітрок Марозаў “Тата ў Ромы аграном”

I. Работа з апавяданнем “Маленькі фермер”

1.  Падрыхтоўчая работа.  Прагназаванне зместу твора М. Даніленкі “Маленькі фермер”

—   Аб чым, на вашу думку пойдзе размова ў творы?

— Што вы ведаеце пра прафесію фермер? Якія словы можна суаднесці з гэтай прафесіяй?

Слоўнікавая работа: касмыль, валок, валкаваць, павец

Касмаль – скудлачаная пасма валасоў.

Валок – доўгая града згрэбленага сена.

Валкаваць – зграбаць сухую скоманую траву ў валакі.

Фермер – гаспадар, які вядзе вялікую уласную гаспадарку і выплочвае падаткі дзяржаве.

2.   Чытанне апавядання c. 59 —61

3. Адказы на пытанні:

– Чаму аўтар назваў Максімку маленькім фермерам?

– Ці лёгка быць фермерам? Прачытайце аб гэтым у тэксце.

– Якую пасільную дапамогу аказваў сям’і Максімка?

– Аб чым марылі дзеці і дарослыя ў Максімкавай сям’і? Прачытайце.

–Якая галоўная думка ававядання? 

– Ці можам мы лічыцm, што Максімка ў будучым стане добрым беларускім гаспадаром-фермерам?

4. Падзел тэксту на часткі. Складанне плана. Пераказ кожнай часткі.

II. Работа з вершам “Тата ў Ромы - аграном”

1. Падрыхтоўчая работа

- А пра якую прафесію будзе наступны верш, вы даведаецеся разгадаўшы рэбус – АРНОГАМ 

Слоўнікавая работа: зябліва, дбаць, кампост, ток, турботы

2. Чытанне твора с. 62 —64

3. Аналіз твора

- З якімі пытання звярнуўся да бацькі сын Рома?

- Якой працай заняты аграном кожнай парой года?

- Чаму Рома лічыць прафесію агранома самай лепшай?

4. Заданні творчага характару

—  Знайдзіце ў вершы прыказкі, растлумачце іх сэнс.

5. Д/з: Падрабязны пераказ апавядання “Маленькі фермер” або выразнае чытанне верша “Тата ў Ромы аграном” па асобах (на выбар)